Urdu Poetry Of Perveen Shakir

hamare darmiyan aisa koi rishta nahin tha
tere shanon pe koi chat nahin thi

mere zimme koi angan nahin tha
koi wada teri zanjir-e-pa banane nahin paya

kisi iqrar ne meri kalai ko nahin thama
hawa-e-dasht ki manind
tu azad tha
raste teri marzi k tabe the
mujhe bhi apni tanhai pe
dekha jaye to
pura tasarruf tha

magar jab aj tu ne
rasta badla
to kuch aisa laga mujh ko
k jaise tu ne mujh se bewafai ki