Mujhe afsoas hai sonaa..... - Gulzar

Mujhe afsoas hai sonaa.....

key meri nazm sey hou kar guzartey waqt baarish mein

pareeshaani hui tum kou

barey be-waqt aatey hein yahaan saawan,

meri nazmoun ki galiyaan yoon bhi aksar bheegi rehti hein

kai gad-dhoun mein paani jamaa rehtaa hai

agar paon parey tou moch aa jaaney kaa khatra hai

mujhe afsoas hai lakin.....

pareeshaani hui tum kou key meri nazm mein kuch roshni kam hai

guzarety waqt dehleezoun key patthar bhi nahin dikhtey

key meray pairoun key naakhun kitni baar tootey hein

hui muddat key chouraahey pey ab bijli ka khambaa bhi nahin jaltaa

pareeshaani hui tum kou......

mujhe sach much afsoas hai !