Dil Main Raha Woh Choor Ke Janay Ke Baad Bhi

Guzray-Huay-Taweel-Zamanay-Ke-Baad-Bhi

Guzray Huay Taweel Zamanay Ke Baad Bhi
 Dil Main Raha Woh Choor Ke Janay Ke Baad Bhi

Pehlu Main Reh Ke Dil Nay Dia Hai Bohat Faraib
 Rakha Hai Us Ko Yaad Bhulanay Ke Baad Bhi

Qurbat Kay Baad Aur Bhi Qurbat Ki Talash
 Dil Mutmain Nahin Hai Teray Aanay Ke Baad Bhi

Go Tu Yahan Nahin Hai Mager Tu Yahein Pay Hai
 Tera Hi Zikar Hai Teray Janay Kay Baad Bhi

Lagta Hai Kuch Kaha Hi Nahin Hai Ussay Adeem
 Dil Ka Tamam Haal Sunanay Kay Baad Bhi

0 comments:

Post a Comment