Zikar Us Pari Wish ka

Zikar Us Pari Wish ka, Aur phir bayan apna

Ban gaya raqib akhir tha jo razdan apna

Search Terms for Mirza Ghalib Poetry:

• Mirza Ghalib Shayari
• Mirza Ghalib Ghazals
• Urdu Ghazals of Ghalib
• Ghalib `s Urdu Shayari

Read More

Na Bazam Apni Na Saaki Apna

Na Bazam Apni, Na Saaki Apna, Na Sheesha Apna, Na Jaam Apna

Agar Yahi Hai Nizam-e-Rasti Tu Ghalib, Zindagi Ko Salam Apna

Search Terms:

Ghalib `s Urdu Poetry

Mirza Ghalib Poetry

Shayari of Ghalib

Zindagi Ko Salam Apna Ghalib Urdu Poetry

Read More

Tum Un Ke Wade Ka Zikar - Urdu Poetry of Mirza

Tum Un Ke Wade Ka Zikar Un Se Kyun Kare, Ghalib

Ye Kiya Ke Tum Kaho Aur Wo Kahi Ke Yaad Nahi,

                            ( Mirza Ghalib ) 

Read More

Runj Se Khugar Hua Insaan - Mirza Ghalib Urdu Poetry

Runj Se Khugar Hua Insaan To Mit Jaata hai Runj

Muskelein Mujh Par Radi Itne Ke Aasaan Ho Gaye!

Read More

Bewaja Nahi Rota Ishq Main Ghalib - Mirza Ghalib

Bewaja Nahi Rota Ishq Main Ghalib

Jisse Khud Se Bar Ke Chaho Wo Rolata Zaroor Hai.

@ Avinash T. Maheshwary@

Read More

Bana Kar Fageeron Ka Hum Bhais Ghalib

Bana Kar Fageeron Ka Hum Bhais Ghalib

Tamasha-e-Ahl-e-Karam Dekhate Hain.

Posted by Narinder Thonthia

Read More

Koi Umeed Bar Nahi Aati, (Mirza Ghalib)

Koi Umeed Bar Nahi Aati,
Koi Soorat Nazar Nahi Aati…

Mout Ka Aik Din Muayyan Hai
Neend Kion Raat Bhar Nahi Aati..?

Aage Aati Thi Haal-E-Dil Pe Hansi,
Ab Kisi Baat Pe Nahi Aati…

Janta Hun Sawab-E-Taa’at-O-Zohad,
Par Tabiyat Idhar Nahi Aati…

Hai Kuch Aisi Hi Baat Jo Chup Hun,
Warna Kia Baat Kar Nahi Aati…

Kion Na Cheekhon Ke Yaad Karte Hain,
Meri Aawaz Gar Nahii Aatii..

Daagh-E-Dil Gar Nazar Nahi Aata..
Bu Bhi Aye Charah_Gar Nahi Aati…

Hum Wahan Hai Jahan Se Ham Ko Bhi,
Kuch Hamari Khabar Nahi Aati…

Marte Hain Aarzoo Mein Marne Ki,
Mout Aati Hai Par Nahi Aati…

Ka’bah Kis Munh Se Jao Ge ‘Ghali’
Sharam Tum Ko Magar Nahi Aati…

-------------------------------

Read More

Bhool Jao Usse.....

Read More

Famous Poetry of Ghalib

                              Ghalib Mirza Asadullah Khan 

aah ko chaahiye ik umr asar hone tak


aah ko chaahiye ik umr asar hone tak
kaun jiitaa hai terii zulf ke sar hone tak

daam har mauj me.n hai halqaa-e-sad_kaam-e-nahang
dekhe.n kyaa guzare hai qatare pe gauhar hone tak

aashiqii sabr-talab aur tamannaa betaab
dil kaa kyaa rang karuu.N Khuun-e-jigar hone tak


ham ne maanaa ke taGaaful na karoge lekin
Khaak ho jaaye.nge ham tum ko Khabar hone tak


partav-e-Khuur se hai shabanam ko fanaa kii taaliim
mai.n bhii huu.N ek inaayat kii nazar hone tak


yak_nazar besh nahii.n fursat-e-hastii Gaafil
garmii-e-bazm hai ik raqs-e-sharar hone tak


Gam-e-hastii kaa 'Asad' kis se ho juz marg ilaaj
shammaa har rang me.n jalatii hai sahar hone tak


baaziichaa-e-atfaal hai duniyaa mere aage
baaziichaa-e-atfaal hai duniyaa mere aage
hotaa hai shab-o-roz tamaashaa mere aage

ik khel hai aurang-e-sulemaaN mere nazadiik
ik baat hai ejaaz-e-masiihaa mere aage

juz naam nahiin suurat-e-aalam mujhe manzuur
juz vaham nahiin hastii-e-ashiyaa mere aage

hotaa hai nihaaN gard me.n seharaa mere hote
ghisataa hai jabii.n Khaak pe dariyaa mere aage

mat puuchh ke kyaa haal hai meraa tere piichhe
tuu dekh ke kyaa rang hai teraa mere aage

sach kahate ho Khud_biin-o-Khud_aaraa huu.N na kyoN huuN
baiThaa hai but-e-aa_iinaa siimaa mere aage

phir dekhiye andaaz-e-gul_afshaanii-e-guftaar
rakh de ko_ii paimaanaa-e-sahabaa mere aage

nafrat ka gumaaN guzare hai main rashk se guzaraa
kyoN kar kahuuN lo naam naa us kaa mere aage

imaaN mujhe roke hai jo khiinche hai mujhe kufr
kaabaa mere piichhe hai kaliisaa mere aage

aashiq huuN pe maashuuq_farebii hai mera kaam
majanuuN ko buraa kahatii hai lailaa mere aage

Khush hote hain par vasl men yuuN mar nahiin jaate
aa_ii shab-e-hijaraaN kii tamannaa mere aage

hai mauj_zan ik qulzum-e-KhuuN kaash! yahii ho
aataa hai abhii dekhiye kyaa-kyaa mere aage

go haath ko jumbish nahii.n aa.Nkho.n me.n to dam hai
rahane do abhii saaGar-o-miinaa mere aage

ham_peshaa-o-ham_masharab-o-ham_raaz hai meraa
'Ghalib' ko buraa kyoN kaho achchhaa mere aage

dil-e-naadaaN tujhe hu’aa kyaa hai

dil-e-naadaaN tujhe hu’aa kyaa hai
aaKhir is dard kii davaa kyaa hai

ham haiN mushtaaq aur vo bezaar
yaa ilaahii ! ye maajraa kyaa hai

ham bhii muuNh meN zabaan rakhate huuN
kaash puuchho ke mudda’a kyaa hai

jab ki tujh bin nahiiN ko’ii maujuud
phir ye hangaamaa ai Khudaa kyaa hai

ye parii-cheharaa log kaise haiN
Ghamzaa-o-ishvaa-o-adaa kyaa hai

shikan-e-zulf-e-ambarii kyoN hai
nigah-e-chashm-e-suurmaa saa kyaa hai

sabzaa-o-gul kahaaN se aaye haiN
abr kyaa chiiz hai havaa kyaa hai

hamko unse vafaa kii hai ummiid
jo nahiiN jaante vafaa kyaa hai

haaN bhalaa kar teraa bhalaa hogaa
aur darvesh kii sadaa kyaa hai

jaan tum par nisaar kartaa huuN
maiN nahiiN jaantaa du’aa kyaa hai

ham ne maanaa ke kuchh nahiiN “Ghalib”
muft haath aaye to buraa kyaa hai

kii vafaa hamase to Gair use jafaa kahate hain 


kii vafaa hamase to Gair use jafaa kahate hain
hotii aa_ii hai ke achchho.n ko buraa kahate hain

aaj ham apanii pareshaanii-e-Khaatir un se
kahane jaate to hain, par dekhiye kyaa kahate hain

agale vaqto.n ke hai.n ye log, i.nhe.n kuchh na kaho
jo may-o-naGmen ko andoharuubaa kahate hain

dil men aa jaa_e hai, hotii hai jo fursat Gash se
aur phir kaun se naale ko rasaa kahate hain?

hai par-e-sarahad-e-idaraak se apanaa masjuud
qible ko, ahal-e-nazar, qiblaanumaa kahate hain

paa-e-afagaar pe jab se tujhe raham aayaa hai
Khaar-e-raah ko tere ham mehr-e-giyaa kahate hain

ik sharar dil men hai, us se ko_ii ghabaraayegaa kyaa
aag mataluub hai hamako, jo havaa kahate hain

dekhiye laatii hai us shoKh kii naKhvat kyaa rang
us kii har baat pe ham naam-e-Khudaa kahate hain
vahashat-o-sheftaa ab marsiyaa kahave.n shaayad
mar gayaa "Ghalib"-e-aashuftaanavaa kahate hain

rone se aur ishq me.n bebaak ho gae

rone se aur ishq me.n bebaak ho gae
dhoe gae ham aise ki bas paak ho gae

sarf-e-bahaa-e-mai hue aalaat-e-maikashii
the ye hii do hisaab so yon paak ho gae

rusavaa-e-dahar go hue aavaargii se tum
baare tabiiyaton ke to chaalaak ho gae

kahataa hai kaun naalaa-e-bul_bul ko beasar
parde men gul ke laakh jigar chaak ho gae

puuchhe hai kyaa vajuud-o-adam ahl-e-shauq kaa
aap apanii aag se Khas-o-Khaashaak ho gae

karane gaye the us se taGaaful kaa ham gilaa
kii ek hii nigaah ki bas Khaak ho gae
is rang se uThaaii kal us ne 'Asad' kii naash
dushman bhii jis ko dekh ke Gam_naak ho gae

Read More

Mirza Ghalib Poetry.

Mirza Ghalib is One of the Greatest Poets in the history of Urdu Poetry. Urdu Poetry can not be completed without his . He was born at the end of 18th century in Agra. Mirza Ghalib’s exact birth date is 27 December 1797, yes Mirza Asadullah khan Ghalib’s star is also capricorn. Ghalib’s full name is Mirza Asadullah Baig Khan. His pen-name was Ghalib and he also used “asad” as his pen name.  His father’s name was Abdullah baig khan. Ghalib had 3 sisters and 3 brothers. His father died when he was 5, in 1803. Then Ghalib started living with his uncle who was, at that time he was the governor of Agra. His uncle died in 1806. Ghalib got married when he was 13. The name of Ghalib’s wife was Umrao Begam. Mirza Ghalib died in the late 1860s. his exact date of decease is 15th February 1869.

Read More

Mirza Ghalib In Roman Urdu.

1. naqsh fariyaadee hai kiskee shoKHee-e-tehreer ka
kaaGHazee hai pairhan har paikar-e-tasweer ka
[ naqsh = copy/print, fariyaad = complaint, tehreer = hand
writing, kaaGHazee = delicate, pairhan = dress,
paikar = appearance ]

2. kaave-kaave saKHt_jaanee haay tanhaaee na pooch
subah karna shaam ka laana hai joo-e-sheer ka
[ kaave-kaave = hard work, saKHt_jaanee = tough life,
joo = canal/stream, sheer = milk, joo-e-sheer = to create a
canal of milk, here means to perform an impossible task ]

3. jazba-e-be_iKHtiyaar-e-shauq dekha chaahiye
seena-e-shamsheer se baahar hai dam shamsheer ka
[ iKHtiyaar = authority/power, shamsheer = sword ]

4. aagahee daam-e-shuneedan jis qadar chaahe bichaaye
mudda’a ‘anqa hai apne aalam-e-taqreer ka
[ aagahee = knowledge/intution, daam = net/trap,
shuneed = conversation, 'anqa = rare, aalam = world/universe,
taqreer = speech/discourse ]

5. bus ke hooN ‘GHalib’ aseeree meiN bhee aatish zer-e-pa
moo-e-aatish_deeda hai halqa meree zanjeer ka
[ aseeree = imprisonment/captivity, zer-e-pa = under the feet,
moo = hair, aatish_deeda = roasted on fire, halqa = ring/circle ]

Read More

1. GHair leiN mehfil meiN bose jaam ke
ham rahaiN yooN tishna_lab paiGHaam ke
[ bosa = kiss, tishna = thirsty ]

2. KHastagee ka tumse kya shikwa ki ye
hathkanDe haiN charKH-e-neelee_faam ke
[ KHastagee = injury/sickness, shikawa = complaint,
hathkanDe = tactics, charKH = sky, neelee_faam = blue colour/
complexion ]

3. KHat likhenge garche matlab kuchch na ho
ham to aashiq haiN tumhaare naam ke

4. raat pee zamzam pe mai aur subh_dam
dhoye dhab’be jaam-e-’eharaam ke
[ zamzam = a well in Kaba whose water is considered holy,
mai = wine, subh_dam = at dawn, 'eharaam = dress for 'haj' ]

5. dil ko aaNkhoN ne fasaaya kya magar
ye bhee halqe haiN tumhaare daam ke
[ halqa = ring/circle, daam = net/trap ]

6. shaah ke haiN GHusl-e-sehat ko KHabar
dekhiye kab din fireiN hammaam ke
[ GHusl = bath, sehat = health, hammaam = a hot bath where a masseur
gives massage and bath ]

7. ishq ne ‘GHalib’ nikamma kar diya
warna ham bhee aadmee the; kaam ke

Read More

Poetry in Roman Urdu

1. husn-e-mah, garche ba_haNgaam-e-kamaal achcha hai
us’se mera mah-e-KHursheed-e-jamaal achcha hai
[ mah = moon, KHursheed = sun, jamaal = beauty ]

2. bosa dete naheeN aur dil pe hai har lahja nigaah
jee meiN kehte haiN, muft aaye to maal achcha hai
[ bosa = kiss ]

3. aur baazaar se le aaye agar TooT gaya
saaGHar-e-jam se mera jaam-e-sifaal achcha hai
[ saaGHar-e-jam = Badshah Jamshed's cup, jaam-e-sifaal = clay cup ]

4. be_talab daiN to maza usme siwa milta hai
woh gada jisko na ho KHoo-e-sawaal achcha hai
[ be_talab = without any enquiry, gada = beggar, KHoo = habit ]

5. unke dekhe se jo aa jaatee hai muNh par raunaq
woh samajhte haiN ke beemaar ka haal achcha hai

6. dekhiye paate haiN ushshaaq butoN se kya faiz ?
ik birahaman ne kaha hai, ke yeh saal achcha hai
[ ushshaaq = lovers, faiz = profit ]

7. ham_suKHan teshe ne farhaad ko sheereeN se kiya
jis tarah ka bhee kisee meiN ho kamaal achcha hai
[ ham_suKHan = together, tesha = axe ]

8. qatra dariya meiN jo mil jaaye to dariya ho jaaye
kaam achchaa hai woh, jiska ma’aal achcha hai
[ ma'aal = result ]

9. KHijr SultaaN ko rakhe KHaaliq-e-akbar sar_sabz
shaah ke baaGH meiN yeh taaza nihaal achcha hai
[ KHijr SultaaN = one of Badshah Zafar's son, KHaaliq = The Creator/
God, akbar = greatest, sar_sabz = fertile, nihaal = tree ]

10. hamko ma’aloom hai jannat ki haqeeqat lekin
dil ke KHush rakhne ko, ‘GHalib’ yeh KHayaal achcha hai

Read More

Mirza Ghalib. Poetry in Roman Urdu

1. har ek baat pe kehte ho tum ke ‘too kya hai’ ?
tumheeN kaho ke yeh andaaz-e-guftgoo kya hai ?
[ guftgoo = conversation ]

2. na shole meiN yeh karishma na barq meiN yeh ada
koee batao ki woh shoKH-e-tund_KHoo kya hai ?
[ barq = lightning, tund = sharp/angry, KHoo = behavior ]

3. yeh rashk hai ki wo hota hai ham_suKHan tumse
wagarna KHauf-e-bad_aamozi-e-adoo kya hai ?
[ rashk = jealousy, ham_suKHan = to speak together/to agree,
KHauf = fear, bad = bad/wicked, aamozee = education/teaching,
adoo = enemy ]

4. chipak raha hai badan par lahoo se pairaahan
hamaaree jeb ko ab haajat-e-rafoo kya hai ?
[ pairaahan = shirt/robe/cloth, haajat = need/necessity,
rafoo = mending/darning ]

5. jalaa hai jicm jahaaN dil bhee jal gaya hoga
kuredate ho jo ab raakh, justjoo kya hai ?
[ justjoo = desire ]

6. ragoN meiN dauDte firne ke ham naheeN qaayal
jab aaNkh hee se na Tapka to fir lahoo kya hai ?

7. woh cheez jiske liye hamko ho bahisht azeez
siwaay baada-e-gul_faam-e-mushkaboo kya hai ?
[ bahisht (or bihisht, both are correct) = heaven, baada = wine,
gul_faam = delicate and fragrant like flowers, mushkaboo = like
the smell of musk ]

8. piyooN sharaab agar KHum bhee dekh looN do chaar
yeh sheesha-o-qadah-o-kooza-o-suboo kya hai ?
[ KHum = wine barrel, qadah = goblet, kooza/suboo = wine pitcher ]

9. rahee na taaqat-e-guftaar, aur agar ho bhee
to kis ummeed pe kahiye ke aarzoo kya hai ?
[ guftaar = speech/discourse ]

10. bana hai shaah ka musaahib, fire hai itaraata
wagarna shehar meiN ‘GHalib’ kee aabroo kya hai ?

[ musaahib = comrade/associate ]

Read More